२१९ जना किसानको सामाग्री पाख्रीवासको कृषि मेला प्रदर्शनीमा, उत्कृष्टलाई भोली पुरस्कृत गरिने
धनकुटा खबर, माघ २७ । धनकुटाको पाख्रीवासमा सञ्चालित नगर स्तरीय कृषि मेला प्रदर्शनीको आज सम्म ४ सय बढीले अवलोकन गरेका छन् ।
नेपाल भ्रमण वर्ष २०२० लाई समेत लक्षित गरी हिजो देखी आरम्भ गरिएको मेलाको आज दोश्रो दिन सम्म उल्लेख्य मानिस अवलोकन गरेको नगरले जनाएको छ ।
कृषकहरुलाई कृषिका नयाँ प्रविधिको जानकारी दिने उद्देश्यले आयोजना गरिएको कृषि मेला दुई दिनमा २ सय १९ जना कृषकले कृषि जन्य सामाग्री पद्वर्शनीमा राखेको नगरपालिकाका कृषि प्राबिधिक ईन्द्रमाया तामाङले वताउनुभयो ।
मेलाको आज दोश्रो दिन कृषकले प्रदर्शनीमा राखेको कृषि जन्य बस्तुको पाख्रीवास कृषि अनुसन्धान केन्द्रका प्रमुख अमर बहादुर पुन ,कृषि ज्ञानकेन्द्र धनकुटाका प्रमुख हृदय राम पोख्रेल र प्राकृतिक स्रोत व्यवस्थापन क्याम्पसका उपप्राध्यापक तुलसी पराजुलीले मुल्याङ्कन गरेकाछन् ।
भोलि मेलामा प्रदर्शनिमा राखिएका कृषि जन्य वस्तुको नतिजा प्रकाशन गरी उत्कृष्ट हुनेलाई पुरस्कृत गरिने छ । मेलमा तरकारी, फलफुल, दलहन तथा मसला बाली प्रदर्शनीमा राखिएको छ ।
