सुनको भाउले आज नयाँ रेकर्ड कायम गर्यो, यस्तो छ बजार मुल्य
काठमाडौं, २१ फागुन । सुनको भाउले आज (बुधबार) नयाँ रेकर्ड बनाएको छ । बुधबार एकैदिन तोलामा २२ सय रुपैयाँ बढेर सुनको भाउले नयाँ रेकर्ड कायम गरेको हो ।
नेपाल सुनचाँदी व्यवसायी महासंघका अनुसार आज छापावाला सुन ८० हजार ५ सय रुपैयाँमा कारोबार भइरहेको छ भने तेजावी सुन ८० हजार २ सय रूपैयाँमा कारोबार भइरहेको छ । जबकि मंगलबार छापावाला सुन तोलामा ७८ हजार ३ सय रुपैयाँमा कारोबार भएको थियो ।
यसअघि गएको फागुन १२ गते सुनको भाउ तोलाको ८० हजार ३ सय रुपैयाँमा कारोबार भएको थियो । सोमबार सुनको भाउ ७८ हजार रुपैयाँमा कारोबार भएको थियो । आइतबार भने सुनको भाउ तोलामा १२ सय रुपैयाँ घटेको थियो । चाँदीको भाउ पनि तोलामा २० रुपैयाँ बढेर तोलाको ८ सय ८० रुपैयाँमा कारोबार भैरहेको छ ।
