काेराेना भा इरस: सामाजिक सं जाल फेसबूकका कार्यालय ब न्द हुँदै
एजेन्सी । फेसबूकले लन्डन र सिंगापुरका फेसबूक कार्यालय बन्द गर्ने निर्णय गरेको जनाइएको छ । लन्डनको फेसबूक कम्पनीले आफ्नो एकजना कर्मचारीलाई कोरोना भाइरस लागेको पुष्टि भएपछि यो निर्णय लिएको बताइन्छ ।
स्काई न्यूजका अनुसार लन्डन फेसबूकले आफ्ना एक कर्मचारीलाई कोभिड १९ पोजिटिभ पाएपछि तीन हजार कर्मचारीलाई घरबाटै काम गर्न भनेको छ ।
फेसबूकले अफिसको सफाइ गरेपछि मात्र खोल्ने जनाएको समाचारमा जनाइएको छ । उसले सोमबारसम्म अफिस सफाइको काम सकेर आगामी निर्णय लिने बताइएको छ।
फेसबूकले यसअघि सांघाईको कार्यालय बन्द गरिसकेको छ । इटली तथा दक्षिणकोरियाका कर्मचारीलाई घरबाटै काम गर्न भनेको छ ।सनफ्रान्सिस्को खाडीका कार्यालयमा कार्यरत कर्मचारीलाई पनि शुक्रबारदेखि घरबाटै काम गर्न लगाएको छ ।–हिमाल खबर
