बागलुङकी ६५ वर्षीया महिलाको रिपोर्ट पनि नेगेटिभ – आइतबार डि,स्चार्ज गरिने
काठमाडौं, ६ बैशाख । नेपालमा ३० जना कोरोना सं,क्रमितहरुमध्ये दुई जना निको भएर घर फर्किइसकेका छन् । यसैबीच, बागलुङकी ६५ वर्षीया कोरोना सं,क्रमित महिला पनि निको भएर घर फर्कने भएकी छन् ।
गण्डकी प्रदेशका अनुसार २४ घण्टाभित्र गरिएको दोस्रो परीक्षणमा पनि नतिजा नेगेटिभ आएपछि उनलाई डिस्चार्ज गर्ने तयारी भइरहेको छ । आज (शनिबार) पोखराको प्रदेश जनस्वास्थ्य प्रयोगशालामा पीसीआर मेसिनमा परीक्षण गर्दा उनको रिपोर्ट नेगेटिभ आएको थियो ।
त्यसोत, गत विहीबारको परीक्षणमा पनि नेगेटिभ रिपोर्ट आएको थियो । धौलागिरी अञ्चल अस्पताल बागलुङको आइसोलेसन वार्डमा उपचाररत उनलाई आइतबार (भोली) डिस्चार्ज गरिने जानकारी गराइएको छ ।
उनलाई डिस्चार्जपछि १४ दिन सुरक्षित रुपमा होम क्वारेन्टाइनमा राखिने बताइएको छ । उनी गत चैत १९ गतेदेखि आइसोलेसनमा उपचाररत छन् । यसै सन्दर्भमा आज पनि काठमाडौंस्थित टेकु अस्पतालबाट एक सं,क्रमित युवती निको भएर घर फर्किएकी छन् ।
