तेह्रथुममा र्यापिड टेष्टबाट कोरोना पोजेटिभ देखिएका सबैको अन्तिम रिपोर्ट नेगेटिभ
अमृत बास्तोला, तेह्रथुम । तेह्रथुममा र्यापिड डायग्नोष्टिक टेष्ट (आरडीटी) परिक्षणमा कोरोना पोजेटिभ देखिएको सबैको अन्तिम परिक्षण (पिसिआर)मा नेगेटिभ देखिएको छ । तेह्रथुममा १२ जनाको हालसम्म पिसिआर मार्फत परिक्षण भएको छ ।
सबैको रिपोर्ट नेगेटिभ आएको स्वास्थ्य कार्यालय तेह्रथुमका प्रमुख योगराज घिमिरेले जानकारी दिनुभयो । आइतबारसम्म जिल्लामा आरडीटी मार्फत १ सय ९३ जनाको परिक्षण भएको छ, जसमध्ये ३ जनमा एन्टिबडी पोजिटिभ देखिएको थियोे । तीनजनाको पिसिआर रिपोर्ट पनि नेगेटिभ आएको छ ।
पिसिआर बिधिबाट म्याङ्लुङका ५ जना, मेन्छयायेमका ४ जना र फेदापका ३ जनाको गरि कुल १२ जनाको परिक्षण भएको हो ।
