धनकुटाको हिलेमा सात मुखे नाग ! (भिडियो सहित)
धनकुटा खबर । धनकुटा नगरपालिका १ हिलेको धार्मिक पर्यटकीय स्थल वक्रकुण्ड पञ्चेश्वर महादेव मन्दिर परिसरमा निर्माण गरिएको शेष नागको मूर्तिको आज अनावरण गरिएको छ ।
नाग पञ्चमीको अवसरमा मन्दिरमा परिषरमा आयोजित कार्यक्रमको वीच धनकुटा नगरपालिका प्रमुख चिन्तन तामाङ्ग र २ नं वाहिनीपति हिलेका यमकुमार ढकालले संयुक्त रुपमा मूर्तिको अनावरण गरेका हुन् ।
वक्रकुण्ड पञ्चेश्वर महादेव मन्दिर व्यवस्थापन समितिका अध्यक्ष सिंह तितुङ्गको अध्यक्षतामा सञ्चालित कार्यक्रममा वोल्दै धनकुटा नगरपालिकाका १ नं वडाध्यक्ष निरेन तामाङ्गले आफुहरुले कृषि,पर्यटन,शिक्षा,स्वास्थ्यको क्षेत्रलाई प्राथामिक्तामा राखेर काम गरिरहेको वताउनुभयो ।
वक्रकुण्ड मन्दिरमा नाग देखिएको ११ वर्ष पूरा भएको जानकारी गराउदै उहाँले यहाँ धार्मिक पर्यटन प्रवर्धनका लागि विकासका विभिन्न कामहरु भईरहेको वताउनुभयो ।
जसअनुसार २ लाख ७ हजार वरावरको लागमा यो मूर्ति स्थापना गरिएको उहाँले वताउनुभयो । आर्थिक वर्ष २०७६,७७ मा यो मन्दिर परिषरमा मात्र नगर र वडाको गरी २२ लाख लागतमा शेष नागको मूर्ति वनाउने,करिव २ मिटर सडकमा व्लक विछ्याउने सहितका काम गरिएकाछन् ।
