धनकुटा उद्योघ बाणिज्य संघद्वारा सुरक्षित सामाग्री उपलव्ध गराउने कार्यलाई निरन्तरता
भाद्र २५,धनकुटा ।विश्व महामारीको रुपमा फैलिएको कोरोना भाईरस संक्रमण वाट शर्तकता अपनाउनका लागि जिल्लाका विभिन्न संघ संस्थालाई सूरक्षित सामाग्री उपलव्ध गराउने कार्यलाई धनकुटा उद्योग वाणिज्य संघले निरन्तरता दिईरहेको छ ।
जसअनुसार आज पनि संघले फन्ट लाईनमा रहेर जिल्लामा दैनिक जनसेवा प्रदान गरिरहेका विभिन्न कार्यालयलाई फेस सिल, मास्क, सेनिटाईजर लगायतका सूरक्षित समाग्रीहरु प्रदान गरेको छ ।
जिल्लामा समुदाय स्तरमा समेत दिनप्रतिदिन कोरोना भाईरसको संक्रमण फैलिदा उच्च जोखिम वढेकोले जनसेवा प्रदान गर्ने र जनसम्र्पक बढी हुने कार्यालयका कर्मचारीहरु उच्च जोखिमा पर्दै गएकाले उनिहरुको शर्तकताका लागि करदाता सेवा कार्यालय, घरेलु तथा साना उद्योग कार्यालय, विद्युत प्राधिकरण लगायत कार्यलयहरुलाई ती सामाग्री प्रदान गरिएको उद्योग वाणिज्य संघका अध्यक्ष विजय सन्तोषी राईको भनाई छ ।
सूरक्षित सामाग्री संघका अध्यक्ष राई सहित वरिष्ठ उपाध्यक्ष मन कुमारी तितुङ, कोषाध्यक्ष रुपेश श्रेष्ठ र कार्यकारी सदस्यहरुले करदाता सेवा कार्यालय धनकुटका प्रमुख रमेश ढकाल, घरेलु तथा साना उद्योग कार्यालयका प्रमुख दिनेश ढुंगाना, राष्टिय अनुसन्धान जिल्ला कार्यालय धनकुटका प्रमुख तुलसी कटेल,नेपाल विद्युत प्राधिकरण धनकुटाका प्रमुख इन्जिनियर दिपक सापकोटालाई कर्मचारीहरुका लागि प्रदान गरेका थिए ।
कोरोना महामारीका कारण जोखिम वढेको समयमा सूरक्षित समाग्रीहरु प्रदान गरी हौसला र उर्जा दिएको भन्दै उनिहरुले उद्योग बाणिज्य संघलाई धन्यवाद ज्ञापन गरेका थिए ।
