अ’वैध रुपमा लगाईएको गाँ’जा फडानी
आश्विन १९,धनकुटा । धनकुटाको विभिन्न स्थानमा अवैध रुप लाईएको गाँ’जा फाँड्ने कार्यलाई प्रहरीले निरन्तरता दिएको छ । जसअनुसार आज धनकुटा नगरपालिका वडा नं ६ खाल्डे, बरबोटे लगायत बिभिन्न स्थान अवैध रुपमा लगाईएको गाँजा फडानी गरिएको जिल्ला प्रहरी कार्यलय धनकुटाले जनाएको छ ।
जिल्ला प्रहरी कार्यलय धनकुटाबाट प्रहरी निरिक्षक रोहित कुमार शर्माको नेतृत्वमा १२ जना खटिएको ग्रामिण गस्ति टोलिले करिव १३ रोपनी जग्गा क्षेत्रफलमा लगार्इएको ४ हजार बोट गां’जा नष्ट गरेको प्रहरीको सञ्चार शाखाले जनाएको छ ।
त्यस्तै इलाका प्रहरी कार्यलय छिन्ताङबाट प्रहरी सहायक निरिक्षक निधिनाथ तिम्सिनाको नेतृत्वमा खटिएको ६ जनाको ग्रामिण गस्ती टोलिले जिल्ला धनकुटा शहिदभुमि गाउपालिका ३ को माङ्ठाना,देवीथान र पूजारी टोल स्थितमा रहेको ऐलानि तथा केही नीजि जग्गामा झण्डै ४ रोपनीमा अबैध रुपमा लगाईएको ११ सय बोट गाँज नष्ट गरेको छ ।
यसअघि हिजो सोही टोलिले शहिदभूमि गाउँपालिका वडा नं ३ र ४ को डाँडा गाउँ,खैराङ,खोकु सिरान लगायतका स्थानमा झण्डै ११ रोपनी जग्गामा रहेको २ हजार ८ सय ५० बोट गाँजा फडानी गरेको थियो भने प्रहरी चौकी जितपुर धनकुटाबाट प्रहरी नायव निरिक्षक विरेन्द्र कार्कीको नेतृत्वमा ५ जनाको ग्रामिण गस्ति टोलिले गस्ति पट्रोलिङको क्रममा फेला परेको महालक्ष्मी नगरपालिका ९ मुर्तिढुङ्गाका विभिन्न व्यक्तिको पाखा वारीमा रहेका ४४ बोट गाँजा नष्ट गरेको थियो ।
