कोरोनाको कारण दशै नआउदै सामग्रीको जोहो
धनकुटा, २२ असोज । दशै आउन अझै केहि हप्ता बाँकी रहे पनि धनकुटाका ग्रामिण क्षेत्रका बासिन्दाहरु भने दशैको जोहो गर्न थालेका छन् ।
धनकुटामा साप्ताहिक रुपमा लाग्ने विहिबारे हटियामा भेटिएका छथरजोरपाटी गाउँपालिका ४ का चन्द्रबहादुर लिम्बु कोरोना कहर र सरकारले लकडाउन फेरी गर्ने भन्ने सुनेकै कारण आफूले दशै आउन केहि समय बाँकी नै रहेको अवस्थामा दशैका लागि चाहिने र ग्रामिण हाट बजारमा उपलब्ध नहुने सामग्री खरिदको लागि सदरमुकाम आएको बताए ।
त्यस्तै शहिदभूमी गाउँपालिकाका बुद्धिमान राईले समेत कोरोना बढ्ने डरले आफूले दशैको समयमा बिक्रि गर्ने भनेर तय गरेको सामग्री अलिक सस्तो गरेर बिक्रि गर्न सदरमुकाम आएको बताए । उनले भने यसपालि पहिलाको जस्तो दशै नहुने भयो कहिले लकडाउन हुन्छ के हुन्छ केहि था छैन् त्यसैले पहिले नै आफ्नो जोहो गर्नु पर्यो नि ।
पछिल्लो समय शून्य कोरोना संक्रमित भएको धनकुटामा फेरीकोरोना संक्रमित देखिन थाले संगै ग्रामिण क्षेत्रका बासिन्दा सदमुकाम आउन असहज भएको बताउँन थालेका छन् ।
