स्व. लामिछाने मगर प्रति श्रद्धाञ्जली अर्पण गर्दै परिवाजनलाई आर्थिक सहयोग प्रदान
धनकुटा खबर । धनकुटाको चौविसे गाउँपालिकाका नेपाली कांग्रेस गाउँ कार्य समितिका उपसभापति स्व.लोक वहादुर लामिछाने मगर प्रति आज श्रद्धाञ्जली अर्पण गर्दै परिवाजनलाई आर्थिक सहयोग प्रदान गरिएको छ ।
स्व.लामिछनेको १३ औं पुण्य तिथिको अवसरमा पार्टीको क्षेत्रिय समिति र गाउँ कार्य समितिको तर्फबाट श्रद्धाञ्जली अर्पण गर्दै परिवारलाई नगद ५ हजार आर्थिक सहयोग प्रदान गरिएको नेपाली कांग्रेस प्रदेश “क” का क्षेत्रीय सदस्य चिन्तामणी पौडेलले जानकारी दिनुभयो । उहाँको परिवारको आर्थिक अवस्था कम्जोर रहेकोले आर्थिक रकम सहयोग गरिएको उहाँको भनाई छ ।
पार्टीका क्षेत्रिय सभापति पौडेल सहित गाउँकार्य समितिका सभपति धन वहादुर मगर,सचिव भीम वहादुर तुम्छा,क्रियाशील सदस्य पदम क्याप्छ्याकी मगर र सदस्य हेमकर्ण मगर सहितको टोलिले स्व लामिछानेको परिवारलाई समवेदना पत्र समेत प्रदान गरेको छ । ४९ वर्षका लामिछाने गत कार्तिक २८ गते खेतमा जानेक्रममा भिरबाट लडेर दुखद निधन हुनुभएको थियो ।
उहाँको परिवारमा श्रीमती सुकुमाया,छोरी रितिका र छोरा एरोज लामिछाने रहेकाछन् । लोक वहादुरको निधनले नेपाली कांग्रेस चौविसे गाउँ कर्य समितिलाई अपुरणिय क्षति पुगेको जनाईएको छ ।
