जमिन चिरा चिरा पर्न थाले पछि धनकुटा शहिदभूमीका बासिन्दाले भने,- सुरक्षित ठाऊमा बस्ति सारिदिनुस्
धनकुटा खबर । धनकुटाको शहिदभूमी गाउँपालिका वडा नं ७ को गैरी गाउँका स्थानियले पहिरोका कारण यहाँ भन्दा बढी क्षति हुन नदिन छिटो भन्दा छिटो सुरक्षित ठाउँमा सारिदिन आग्रह गरिरहेका छन् । पहिरोका कारण बस्ति बसेको स्थानको जमिन चिरा चिरा पर्न थाले पछि स्थानियले स्थानान्तरणको माग गरेका हुन् ।
घर पहिरोले लग्यो, अन्न बालि लगाएको बारी पनि चिरा, चिरा परेर कामै नलाग्ने भएको छ स्थानिय हेम बहादुर परियारको भने । अहिले हिउँदको समय भएकाले बर्खाको जस्तो जोखिम त छैन, तर पनि मनमा पहिरोको डर भने नहराएको स्थानीय राम कुमारी राईले बताउनुभयो ।
सुके खोलामा गत भदौ ९ गते एक्कासी पानी निस्कीएपछि विस्तारै गाउनै चिरा, चिरा भएको छ । पहिरोको उच्च जोखिममा रहेकाले बस्तीलाई सुरक्षीत स्थानमा स्थानान्तरण गर्न प्रक्रिया अघि बढाईसकेको शहिदभूमी गाउँपालिकाका अध्यक्ष मनोज राइले बताउनुभयो ।-फाइल फोटो
