वाढाङमीको अवसरमा मंशिर २१ गते आईतवार सार्वजनिक विदा दिने शहिदभूमी गाउँपालिकाको निर्णय
धनकुटा खबर । शहिदभूमी गाउँपालिकाले आज एक प्रेस विज्ञाप्ति जारी गरी यो गाउँपालिका क्षेत्रका किराँत छिलिङ राई,नाम्सिहाङ र अन्य राई जातीहरुले मनाउने पापानी, वाढाङमीको अवसरमा मंशिर २१ गते आईतवार सार्वजनिक विदा दिने निर्णय गरेको छ ।
आईतवार गाउँपालिका क्षेत्रमा रहेका सरकारी कार्यलय, विद्यालय, बैंक तथा वित्तिय संस्था सार्वजनिक विदा दिने निर्णय भएको गाउँपालिका अध्यक्ष मनोज राईले जानकारी दिनुभयो ।
यो पर्व शहिदभूमि गाउँपालिकाका आँखिसल्लामा वसोवास गर्ने आदीवासी जनजाती राईहरु मध्ये छिलिङराईको पनि विभिन्न पाछा,छिन्ताङमा वसोवास गर्ने नाम्सिहाङ राईको विभिन्न पाछा र खोकुका राई जातीका विभिन्न पाछाका राईहरुले माङला हेरेर महत्वपूर्ण पर्वको रुपमा मनाउने गरेका छन् । मंशिर पूर्णीमा पछिको मंगलवारबाट मनाउन शूरु गरिने यो पर्व मा विषेश गरि वुढाहाङ देवताको पूजा गरि एक हप्ता सम्म मनाउने गरिन्छ ।
यो पर्वमा उनिहरुले ढोल झ्म्टा वजाउदै पापानी गीत गाउदै नाच्दै मनाईने गरेको स्थानियले वताएकाछन् । पापानी नाच नाच्दा सवै जना एकापसमा गोलो घेरा भएर खुट्टा तीन कदम अगाडी र तीन कदम पछाडी सारेर नाच्ने गरिएको अग्रजहरुको भनाई छ ।
