धनकुटाको विकास र समृद्धीको विषयमा नेपाली कांग्रेसका नेताहरु वीच छलफल
मंशिर २२,धनकुटा । धनकुटाको विकास र समृद्धीको विषयमा नेपाली कांग्रेसका नेताहरु वीच छलफल भएको छ ।
पूर्व मन्त्री तथा नेपाली कांग्रेसका सहमहामन्त्रि सुनिल वहादुर थापा र युवा नेता गगन थापासंग अाईतवार काठमाण्डौमा पार्टीका जिल्ला सचिव सहितको टोलीले धनकुटाको विकास र समृद्वीको वारेमा छलफल गरेका हुन् ।
छलफलमा नेपाली कांग्रेसका सहमहामन्त्रि थापाले धनकुटामा स्वास्थ्य सहित अन्य सम्पूर्ण क्षेत्रमा सधै आफ्नो सहयोग रहने वताउनुभयो । त्यस्तै पूर्व स्वास्थ्यमन्त्रि गगन थापाले कोभिड १९ विरुद्व विजय प्राप्तिका लागि सवैको साथ सहयोग आवश्यक रहेकोमा जोड दिदै नेपाली कांग्रेसलाई जीवन्तता दिन पार्टी संगठनमा आमुल परिवर्तन गर्न जरुरी रहेको वताउनुभयो । उहाँले अब हरेक तहमा हस्तक्षेप गरेर भएपनि युवाहरु नेतृत्वमा आउन सक्नु पर्नेमा जोड दिनुभयो ।
टोलिले नेपाल प्रेस युनियनका केन्द्रिय अध्यक्ष बद्री सिग्देल संग पनि भेटगरि संगठनको वारेमा छलफल गरेको छ । छलफलमा पार्टी संगठन विस्तार तथा सुदृढीकरणको वारेमा समेत कुराकानी भएको थियो । टोलिमा पाटीका जिल्ला सचिव विजय सन्तोषी राई,धनकुटा — काठमाण्डौ सम्पर्क समितिका सभापति भीम थापा,नेपाल पत्रकार महासंघ धनकुटाका अध्यक्ष राजेश्वर वहादुर श्रेष्ठ लगायत सहभागि थिए ।
