धनकुटाको शहिदभूमी गाउँपालिका वडा नं ५ का सर्वसाधरणलाई अब भारी बोकेर बजार धाउनु पर्ने समस्याको अन्त्य
धनकुटा । धनकुटाको शहिदभूमी गाउँपालिका वडा नं ५ का सर्वसाधरणलाई अब भारी बोकेर बजार धाउनु पर्ने समस्याको अन्त्य भएको छ ।
यो गाउँपालिकाको पिप्ले देखी सन्देश मोड जिसु हुँदै खोकुटार सम्म चारपांग्रे सवारी साधन चल्न थालेपछि स्थानियलाई सहज भएको हो ।
यस अघि आफुले उत्पादन गरेको विभिन्न फलफुल तथा अन्य सामाग्री वजार सम्म ल्याउन र आफु्लाई आवश्यक पर्ने सामाग्री नाम्लो र डोको को भरमा पिठ्यूमा वोकेर घर सम्म लानु पर्ने वाध्यता रहेकोमा हालै मात्र पिप्ले देखी खोकुटार सम्म चारपांग्रे सवारी साधन चल्न थालेपछि यो वाध्यताको अन्त्य भएको ५ नं वडाका स्थानिय शिक्षक होम राईको भनाई छ । २०६० सालमै त्यहाँ बाटो वनिएको भएपनि राम्रो मर्मत संहार नहुँदा सवारी साधन चल्न सकेको थिएन तर अहिले संघिय सरकार मार्फत प्राप्त ६ करोड लगानीमा बाटोको मर्मत,ग्रभेल गर्ने,ग्याभिङ भर्ने र कटिङ गर्ने काम गरिए सँगै आफुहरुले उत्पादन गरेको चिज वजार सम्म लान सजिलो भएको स्थानिय जस वहादुर राईले वताउनुभयो ।
उहाँले यो बाटोको संरक्षणमा स्थानियले नै ध्यान दिनु पर्ने पनि वताउनुभयो । ५ नं वडा क्षेत्रका स्थानियले सुन्तला, अदुवा, टमाटर, आपा, लिचि, भुँईकटहर लगायतका फलफुलहरु उत्पादन गर्ने गरेकाछन् । यो बाटोको हालै मात्र न्याय प्रशासन तथा विधायन समिति सभापति पराजुली र गाउँपालिका अध्यक्ष मनोज राई,पाध्यक्ष रत्नेश्वरी राई, नेकपा धनकुटाका सचिवालय सदस्य सावित्रा राई लगायतले अनुगमन गरेका थिए ।
हाल ४ करोड लागतमा सन्देश मोड देखी लामेवगर सम्मको वाटो ग्राभेल भईरहेको छ । यो सडक आर्थिक वर्ष २०७६/७७ को पजेट मार्फत मर्मत गरिएको हो ।
