नेकपा धनकुटाद्वारा समवेदना प्रकट
धनकुटा खबर । नेकपा जिल्ला कमिटी धनकुटाले श्रीमती शोकमा परेका धनकुटा ताँखुवाका आफ्ना एक संगठित सदस्यको घरमा पुगेर समवेदना प्रकट गरेको छ ।
छथर जोरपाटी गाउँपालिका वडा नं. ३ का संगठित सदस्य तथा समाजसेवी राजकुमार पारघरी(लिम्बू)की श्रीमती जयकुमारी लिम्बूको मंसिर १२ गते ७१ बर्षको उमेरमा निधन भएको थियो ।
पारघरीको निवासमा पुगेर संघिय सांसद तथा नेकपा जिल्ला अध्यक्ष राजेन्द्रकुमार राईले स्व.लिम्बूकी पति तथा परिवारलाई समवेदना–पत्र दिनुभएको हो । समवेदना प्रकट गर्न नेकपा स्थानिय बिभाग पाटी संयोजक शिव आङ्ला(लिम्बूं),नेकपा छथर जोपाटी गाउँपालिका ईन्चार्ज बिष्णु पारघरी, अध्यक्ष ईन्द्रसारु मगर लगाएत स्थानिय पाटी कमिटी सदस्यहरुको उपस्थिति रहेको थियो ।
समवेदना कार्यक्रममा छथर जोरपाटी गाउँपालिकाका अध्यक्ष शेरबहादुर दिम्बू,उपाध्यक्ष भीमकला श्रेष्ठ,वडा नं. ३ का अध्यक्ष ज्ञान बहादुर लिम्बू लगाएतको उपस्थिति रहेको थियो ।
