शहिदभुमी गाउँपालिकाका गरिव तथा विपन्न वर्गका ४० घरपरिवारलाई सोलार सिस्टम वितरण गरिदै
धनकुटा खबर । चालु आर्थिक वर्षमा धनकुटाको शहिदभुमी गाउँपालिकाका गरिव तथा विपन्न वर्गका ४० घरपरिवारलाई सोलार सिस्टम वितरण गरिदैछ ।
वैकल्पिक उर्जा प्रवद्र्धन कार्यक्रम अन्र्तगत गाउँपालिकाका विद्युत महसुल वुझाउन नसक्ने उल्लेखित संख्याका घरपरिवारलाई सोलार सिस्टम वितरण गरिने गाउँपालिका अध्यक्ष मनोज राईले वताउनुभयो । जसअनुसार अहिले यो वर्षको कार्यक्रम अन्र्तगत ५ घरलाई सोलार वितरण गरिसकिएको ६ भने अव ३५ घरलाई दिन बाकी छ ।
उनिहरुलाई २० वाट क्षामताको ५ वटा वत्ति वाल्लन मिल्ने सोलार सिस्टम वितरण गरिने उहाँले वताउनुभयो । ४० घरपरिवारलाई मात्र सोलार वितरण गरिने लक्ष भएपनि यदि वडाबाट सिफारिस भएर आए ६७ घरलाई वितरण गर्न सकिने गाउँपालिका अध्यक्ष राईको भनाई छ । यसका लागि गाउँपालिका क्षेत्रका गरिव विपन्न वर्गका व्यक्ति स्वयम्ले पनि गाउँपालिकामा सम्पर्क गर्न सक्ने उहाँले वताउनुभयो ।
यसअघि गत आर्थिक वर्ष २०७६/७७ मा ३५ घरपरिवारलाई सोलार वितरण गरिएको थियो । गाउँपालिकामा प्राप्त सर्शत अनुदान ७ लाख र गाउँपालिकले सोही कार्यक्रमका लागि थप गरेको २ लाख वजेट मार्फत सोलार प्यानल खरिद, जडान सहित सुधारिएको चुलो र वायो ग्याँस समेत वितरण गरिने गाउँपालिकाका प्रशासकीय प्रमुख राजकुमार शाक्ले जानकारी दिनुभयो ।
