संसद विघटन गर्ने निर्णय विरुद्ध सर्वोच्चमा रिट दायर
काठमाडौं । कानून व्यवसायीहरुले सरकारको संसद विघटन गर्ने निर्णय विरुद्ध सर्वोच्चमा रिट दायर गरेका छन् । सरकारको सिफारिसमा हिजो राष्ट्रपतिबाट संसद विघटन स्वीकृत भएपछि कानून व्यवसायीहरुले सर्वोच्चमा रिट दायर गरेका हुन् ।
संसद विघटन विरुद्ध आज दिउँसो सम्ममा सर्वोच्चमा ८ वटा रिट परिसकेको छ । अहिले प्राप्त रिटहरुमाथि अध्ययन गरिरहेको सर्वोच्च प्रशासनले प्रतिक्रिया दिएको छ । कानून व्यवसायीहरुले राष्ट्रपति र प्रधानमन्त्रीलाई विपक्षी बनाएर संसद विघटनको निर्णय विरुद्ध सर्वोच्चमा रिट दायर गरेका हुन् ।
यता नेकपा का ८७ सांसदहरूले सर्वोच्च अदालत जाने तयारी गरेका छन् । असंवैधानिक रुपमा आइतबार गरिएको संसद विघटनको निर्णय विरुद्धमा उनीहरुले सर्वोच्च अदालत जाने तयारी गरेका हुन् । सम्पूर्ण सांसदहरुको तर्फबाट अधिवक्ता गोविन्द बन्दीले सर्वोच्चमा रिट दायर गर्ने तयारी गर्नुभएको खेलेको छ ।
