छथरजोरपाटीमा अगुवा महिलाहरुलाई क्षमता बिकास तालिम
नारायण कुमार राई, धनकुटा खबर । छथरजोरपाटी वडा नं.५ र ६ का अगुवा महिलाहरुलाई नेतृत्व बिकास तालिम दिईएको छ ।
गाउँपालिकाको सहयोग तथा सामुदायिक सन्चार केन्द्र धनकुटाको आयोजनामा एक दिने गोष्ठीको आयोजना गरेर तालिम प्रदान गरिएको हो ।
कार्यक्रम केन्द्रका अध्यक्ष सन्तोष रुचालको अध्यक्षता तथा गाउँपालिका उपाध्यक्ष भीमकला श्रेष्ठको प्रमुख आतिथ्यमा सम्पन्न भएको हो ।
कार्यक्रममा २ वडाका अगुवा तथा जननिर्वाचित ३० महिलाहरुको सहभागिता रहेको थियो ।
सहभागी महिलाहरुलाई सहजकर्ता निलबहादुर थापाले महिला अधिकार के हो ? महिला श–सक्तिकरण किन ? लगाएतका बिषयमा सहजिकरण गर्नुभएको थियो ।
कार्यक्रममा वडा नं. ५ का वडा अध्यक्ष सुरेन्द्र लिम्बू,वडा नं.६ का अध्यक्ष दिलबहादुर थापा,छथरजोरपाटी महिला शाखा प्रमुख एलिना निरौला लगाएतको उपस्थिति रहेको थियो ।
