शहिदभूमी गाउँपालिकाद्धारा सञ्चालित योजना कार्यन्वयन सम्बन्धि एक दिने अभिमुखीकरण तालिम आज ७ नं वडामा सञ्चालन
धनकुटा खबर । उपभोक्ता समितिका पदाधिकारीहरुलाई योजना सञ्चालन गर्न सहज होस् भन्ने लक्षका साथ शहिदभूमी गाउँपालिकाद्धारा सञ्चालित योजना कार्यन्वयन सम्बन्धि एक दिने अभिमुखीकरण तालिम आज सो गाउँपालिका को ७ नं वडामा सञ्चालन गरिएको छ ।
गाउँपालिकाको ७ वटै वडाका उपभोक्ता समितिका पदाधिकारीहरुलाई दिईरहेको आजको तालिमको सहजीकरण गाउँपालिकाका प्रमुख प्रशासकीय अधिकृत राजकुमार शाक्य, ईञ्जिनीयर अनुराग वाग्ले,लेखा समितिका संयोजक नितेश कुमार यादव,योजनाशाखा प्रमुख अच्युतराज ढकाल लगायतले गरेका थिए ।
गाउँपालिका अध्यक्ष मनोज राईको प्रमुख आतिथ्यमा सञ्चालित तालिममा ७ नं वडाध्यक्ष वम वहादुर राई, सचिव झनकलाल राई लगायतको उपस्थिती थियो । यो तालिम अहिले सम्म गाउँपालिकाका ५ वटा वडामा सञ्चालन गरिसकिएको छ । अव ४ र ६ दुई वटा वडा बाँकी छन् ।
