प्रथम ढुङ्गेकप फुटवल प्रतियोगिताको उपाधि चियावारी फुटवल क्लव वराह क्षेत्रलाई
धनकुटा । धनकुटाको सागुरीगढी ८ मा सञ्चालित प्रथम ढुङ्गेकप फुटवल प्रतियोगिताको उपाधि चियावारी फुटवल क्लव वराह क्षेत्रले उचालेको छ ।
अरिंगाल फुटवल क्लव धरान १३ सँग फाईनलमा भिडेको उस्ले ० को विरुद्व १ गोल गर्दै उपाधि जितको हो । जित सँगै चियावारी फुटवल क्लवले नगद ५० हजार सहित ट्रफी, मेडल र प्रमाण पत्र पुरस्कार प्राप्त गरेको छ ।
दोश्रो स्थानमा चित्त वुझाएको अरिंगालले नगद ३० हजार ट्रफी, मेडल र प्रमाण पत्र प्राप्त गरेको आयोजकले जनाएको छ । आजको खेलको म्यान अफ दि म्याच अरिंगाल फुटवल क्लवका सरोज राई घोषित भएका छन् । उत्कृष्ट खेलाडी अरिंगालकै मिलन लिम्वु घाेषित भए ।
त्यस्तै हाई स्कोरर तथा स्टाईकर चियावारीका अनिष राई, उत्कृष्ट गोल रक्षक चियावारी कै रञ्जित राई, उ्त्कृष्ट डिफेण्डेर चियावारी कै दिवस राई घाेषित भए । उनिहरुलाई २-२ हजार सहित ट्रफी, मेडल र प्रमाण पत्र पुरस्कार प्रदान गरिएकाे क्लवका अध्यक्ष नगेन्द्र राईलाई उधृत गर्दै महाभारतबाट पदम राईले जानकारी दिनु भयाे ।
ढुङ्गे क्लवको आयोजनामा भएको फुटवल प्रतियाेगिताका विजयी समूह तथा खेलाडीहरुलाई सागुरीगढी गाउपालिका उपाध्यक्ष विन्द्रा राई सहित अतिथिहरुले पुरस्कार हस्तान्तरण गरेका थिए ।
