रामनवमी कप भलिवल प्रतियोगिताको उपाधि भोजपुर षडानन्द नगरपालिकालाई
शर्मिला राई/वैशाख ८,धनकुटा । धनकुटाको हिले सञ्चालित प्रदेश १ पालिका स्तरिय रामनवमी कप भलिवल प्रतियोगिताको उपाधि भोजपुर षडानन्द नगरपालिकाले उचालेको छ ।
झापा गाउँपालिका सँग आज फाईनलमा भिडेको उस्ले २५-२२,१५-२५,२१-२५ र १३-२५ अंकले झापा गाउँपालिकालाई हराउदै उपाधि उचालेको हो ।जित सँगै षडानन्दले नगद १ लाख सहित कप, मेडल र प्रमाण पत्र पुरस्कार प्राप्त गरेको छ ।
दोश्रो भएको झापा गाउँपालिकाले नगद ५० हजार सहित कप, मेडल र प्रमाण पत्रमा चित्त वुझाएको छ । हिले भलिवल क्लवको आयोजनामा भएको यो प्रतियोगिाताका विजयी टिमलाई प्रतियोगिता समापन कार्यक्रमको वीच धनकुटा नगरपालिकाका मेयर चिन्तन तामाङ सहित कार्यक्रमका अतिथिहरुले पुरस्कार वितरण गरेको क्लवका अध्यक्ष सञ्जिव तामाङले जानकारी दिनुभयो ।
सोही अवसरमा प्रतियोगिता आयोजना तथा सञ्चालनका लागि सहयोग गर्ने संघ संस्था तथा व्यक्तिहरुलाई मायाको चिनो समेत प्रदान गरिएको उहाँले वताउनुभयो ।
रामनवामीको अवसरमा हरेक वर्ष खेलाईदै आएको रामनवमी कप भलिवल प्रतियोगितामा यो वर्ष धनकुटा, भोजपुर, ईलाम, झापा, मोरङ जिल्लाका १० टिमले सहभागिता जनाएका थिए ।
