लागु औ’षध कारोवारमा संलग्न थप दुई जना धनकुटाबाट पक्राउ
धनकुटा । लागु औ’षध कारोवारमा संलग्न थप दुई जना धनकुटाबाट पक्राउ परेका छन् ।
धनकुटा नगरपालिका वडा नं ६ रमाइलो घुम्ती बस्ने बर्ष २३ को रुपेश मरिक र धनकुटा नगरपालिका वडा नं ७ सिरवानि बस्ने बर्ष २९ को “प्रबिण” भनिने हरी सुन्दर श्रेष्ट लाई पक्राउ गरिएको जिल्ला प्रहरी कार्यलय धनकुटाले जनाएको छ ।
यसअघि हिजो पक्राउ परेका धनकुटाको बुढीमोरङ घर भई हाल धरान उपमहानगरपालिका १९ वस्दै आएका २३ वर्षका भिमराज लिम्वुको वयानको आधारमा रुपेश र सुन्दरलाई पक्राउ गरिएको हो ।
धनकुटा नगरपालिका मदन चौकमा पैदल यात्रा गरिरहेको अवस्थामा पक्राउ परेका लिम्वुको साथबाट प्रहरीले ४७ पीस डाईजेल्याप, ४४ पीस एभिएल ३८ पीस लुप्रिजेसिक र लागु औ’षध प्रयोग गर्ने ४ वटा सु ई सहित १ सय ३० एम्पुल बरामद गरेको थियो ।
लिम्वुको वयान पछि प्रहरी निरीक्षक काशीनाथ रेग्मी सहितको प्रहरी टोली खटिएर अनुसान्धान गर्दा सुन्दरको कोठाबाट २० एम्पुल एभिल,२० एम्पुल लुप्रिजेसिक, डाईजिल्याप २० एम्पुल र प्रोमेथजिन २० एम्पुल फेला पारेको छ ।
पक्राउ परेका तीनै जना माथि जिल्ला अदालत धनकुटाबाट ५ दिनका लागि म्याद थप गरि अनुसन्धान कार्य भई रहेको जिल्ला प्रहरी कार्यलय धनकुटाको सञ्चार शाखाले जनाएको छ ।
