आवश्यक कदम चाल्न स्थानिय सरकारसंग माग
धनकुटा । नयाँ भेरियन्ट सहितको कोरोना भाइरस संक्रमण दर नियन्त्रणका लागि आवश्यक कदम चाल्न नेपाली कांग्रेस सहिदभूमि गाउँपालिका कार्यसमितिले स्थानीय सरकार समक्ष माग गरेको छ ।
आज एक प्रेस विज्ञप्ति जारी गर्दै उस्ले त्यस्तो माग गरेको हो । पार्टीको गाउँपालिका कार्य समितिका सभापति तिर्थ राई र सचिव रुद्र राईद्धारा हस्ताक्षरित विज्ञप्तिमा कोरोना संक्रमणदर नियन्त्रणका लागि स्थानिय सरकारको कामकारवाही फितलो देखिएको र यस विषयमा आफुहरुको गम्भिर ध्यानाकर्षण भएको समेत उल्लेख छ ।
साथै यो विषम परिस्थितिमा सम्पूर्णलाई घरैमा बस्न र वाहिर निस्कनै परे स्वास्थ्य सूरक्षाका मापदण्द अनिवार्य पालाना गर्न गाउँपालिका र जिल्लाबासीलाई विज्ञप्ति मार्फत अनुरोध गर्दै संक्रमित सवैको शिघ्र स्वास्थ्य लाभको कामना समेत गरिएको छ ।
