जिल्ला प्रशासन कार्यालय धनकुटाद्वारा जिल्ला अस्पताल धनकुटालाई स्वास्थ्य सामाग्री प्रदान
धनकुटा । जिल्ला प्रशासन कार्यालय धनकुटाले आज जिल्ला अस्पताल धनकुटालाई स्वास्थ्य सामाग्री प्रदान गरेको छ ।
अस्पतालको आईशोलेसन रहेका कोरोना संक्रमितहरुलाई उपचारमा सहज होस भन्ने लक्षका साथ प्रशासनले भ्याट वाहेक ७६ हजार ९ सय रुपयाँ वरावरको स्वास्थ्य सामाग्री प्रदान गरेको हो ।
स्वास्थ्य सामाग्री जिल्ला प्रशासन कार्यलयमा प्रमुख जिल्ला अधिकारी वासुदेव दाहालले जिल्ला अस्पताल धनकुटाका निमित्त मेडिकल सुपरिटेण्डेन्ट डा.पुजन विश्कर्मालाई हस्तान्तरण गर्नुभएको थियो ।
सहायक प्रमुख जिल्ला अधिकारी रामनारायण श्रेष्ठका अनुसार अक्सिजन फ्लोमिटर ५ थान,एन ९५ मास्क एक सय थान,अक्सिजन मास्क २५ थान,सर्जिकल मास्क १ हजार थान,सर्जिकल ग्लोव्स १ हजार थान र स्यानिटाईजर ५ लिटरको १० ग्यालेन लगायतका स्वास्थ्य सामाग्री प्रदान गरिएको हो ।
