धनकुटा उद्योग बाणिज्य संघको बजार अनुगमन
धनकुटा,२८ बैसाख । धनकुटा उद्योग वाणिज्य संघले धनकुटा नगरपालिका क्षेत्रमा अहिले निशेधाज्ञा लगाएको अवस्थामा धनकुटा बजारमा दैनिक उपभोग्य समाग्रीहरुको अवस्था,मुल्य, व्यापार व्यवसायको स्थिति लगायतका अवस्था बुझ्न बजार अनुगमन गर्न सुरु गरेको छ ।
उपभोक्ताहरुको जनगुनासो बढ्न थालेकोले भन्दै धनकुटा बजारमा धनकुटा उद्योग बाणिज्य संघले अनुगमन गर्दै निशेधाज्ञाको अहिलेको अवस्थामा अत्यवाश्यक तथा दैनिक उपभोग्य सामाग्रीहरुको मौजाद, सप्लाई, मुल्य र विक्रिवितरणको अवस्थाको बुझ्न अनुगमन गरेको हो ।
धनकुटा उद्योग बाणिज्य संघका अध्यक्ष बिजयसन्तोषी राईले जानकारी दिए । पसलहरुमा अनुगमन गर्दै अनिवार्य मास्क लगाई भौतिक दुरी कायम गरेर मात्र तोकिएको विहान र साँझको समयमा मात्र व्यापार व्यावसाय गर्न सवै व्यावसायी तथा व्यापारीहरुलाई अनुरोध गरिएको धनकुटा उद्योग बाणिज्य संघका अध्यक्ष राईले वताए ।
