सुस्त मनिस्थिति स्रोत कक्षाका विद्यार्थीहरुलाई धनकुटा उद्योग बाणिज्य संघद्वारा मास्क र सेनिटाईजर प्रदान
धनकुटा । विद्यालय वन्द भएपनि निशेध आदेशका कारण घर जान नपाएका धनकुटा उत्तरपानीका सुस्त मनिस्थिति स्रोत कक्षाका विद्यार्थीहरुलाई धनकुटा उद्योग बाणिज्य संघले आज मास्क र सेनिटाईजर प्रदान गरेको छ ।
सुस्त मनिस्थिति स्रोत कक्षाका विद्यार्थीहरुलाई संक्रमणबाट जोगाउन संघले मास्क र स्यानिटाईजर उपलव्ध गराएको हो । ती सामाग्री संघका अध्यक्ष विजय सन्तोषी राईले स्रोत कक्षाका स्रोत व्यक्ति शिक्षक भूपेन्द्र भण्डारीलाई हस्तान्तरण गर्नुभएको थियो ।
जिल्लामा कोरोना संक्रमण दर तिव्र रुपमा फैलिदै गएपछि स्थानीय प्रशासनले दुई हप्ता देखी निशेधाज्ञा जारी गरेपछि विद्यालय तथा सार्वजनिक सवारीका यातायात बन्द छन् ।
त्यसैले त्यहाँका २७ जना विद्यार्थीहरु स्रोत केन्द्रमा नै सामुहिक रुपमा वसेका छन् । संघले गत बर्ष लक डाउनको समयमा पनि घर जान नपाएका त्यहाँका विद्यार्थीहरुलाई स्वास्थ्य समाग्रीहरु प्रदान गरेको थियो ।
