समुदाय स्तरमा कोरोना भाइरस संक्रमण वृद्दि हुनसक्ने भन्दै आजदेखि जेठ १२ गते सम्म पूर्ण निशेधाज्ञा जारी
धनकुटा,जेठ ६ । धनकुटाको सहिदभूमि गाउँपालिकामा समुदाय स्तरमा कोरोना भाइरस संक्रमण वृद्दि हुनसक्ने भन्दै आजदेखि जेठ १२ गते सम्म पूर्ण निशेधाज्ञा जारी गरिएको छ ।
याे गाउँपालिकाको वडा नं.-२ मा कोरोना संक्रमण समुदाय स्त्तरमा देखा परेपछि कोभिड-१९ संकट व्यवस्थापन केन्द्रको आज बसेको बैठकले पालिका भरि जेठ १२ गते सम्मलाई पूर्ण निशेधाज्ञा जारी गरेको हो ।
संक्रमण अरुतिर फैलन नदिनको लागि सबै वडाहरुबाट प्रदान गरिने अतिआवश्यक भन्दा वाहेकका सबै सेवा बन्द गरिएको सहिदभूमि गाउँपालिकाका प्रमुख मनोज राईले जानकारी दिनुभयो ।
पूर्ण निशेधाज्ञामा पालिकामा रहेका औषधी पसलहरु खुल्ला रहनेछन भने स्थानीय हाट बजार र पसल पूर्ण बन्द गर्न पर्नेछ ।बैंक तथा बित्तिय संस्थाहरु आइतबार र बुधबार मात्र खुल्ला रहने तथा पालिकाको वडा नं २ साम्भुगाउँको स्वास्थ्य चौकी जेठ १२ सम्म पूर्ण बन्द गरिने पालिकाद्वारा जारी सार्वजनिक अपिलमा जनाइएको छ ।
हाल कोरोना संक्रमितहरु होम आइसोलेसनमै बसेका छन् ।जेठ ४ गते नेपाली कांग्रेस पार्टी सहिदभूमि गाउँपालिकाले कोरोनासँग मिल्दोजुल्दो लक्षण देखा परेको प्रति गाउँपालिका सरकार र वडा सरकारलाई तत्काल स्वास्थ्य परिक्षण गर्न माग गर्दै विज्ञाप्ति जारी गरेको थियो ।लगत्तै पालिकाले विरामीहरुको स्बाव संकलन गरि परिक्षण गर्दा सहिदभूमि गाउँपालिका-२ मा १९ जनामा तथा ६ जना स्वास्थ्यकर्मीहरुमा कोरोना संक्रमण पोजिटिभ देखापरेको पालिकाका स्वास्थ्य शाखा प्रमुख फकिर माेहम्मद मुस्तफाले बताउनु भयो ।
