जिल्लाको कोभिड अस्पतालमा उपचाररत कोरोना संक्रमित विरामीलाई धनकुटा उद्योग वाणिज्य संघले सहयोग गर्ने
जेष्ठ ७,धनकुटा । धनकुटाको औद्योगिक ग्राममा सञ्चालित कोभिड अस्पतालमा उपचारत कोरोना संक्रमित विरामीहरुको आज धनकुटा अस्पतालका डाक्टर सहित धनकुटा उद्योग बाणिज्य संघको टोलीले अवोलकन गरी विरामीहरुको अवस्थाको वारेमा जानकारी लिएको छ ।
धनकुटा जिल्ला अस्पतालका प्रमुख डा पुजन विश्वकर्माको नेतृत्वमा सञ्चालित कोभिड अस्पतालको धनकुटा उद्योग बाणिज्य संघका अध्यक्ष विजय सन्तोषी राई सहितको टोलीले प्रत्यक्ष रुपमा अवोलकन गरी विरामीहरुको अवस्थाको वारेमा जानकारी लिएको हो ।
अवलोकनको क्रममा त्यस अस्पतालमा अहिले ८ जना कोभिडका विरामीहरुको उपचार भैरहेको धनकुटा अस्पतालका प्रमुख विश्वकर्माले वताउनु भयो ।
अस्पतालमा राम्रो संग उपचार भैरहेको विरामी र विरामीका आफन्तले वताएका छन । अस्पतालमा रहेका कोभिड विरामीहरुको अवलोकन पछि उद्योग बाणिज्य संघका अध्यक्ष राईले विरामी र स्वास्थ्यकर्मीलाई स्वास्थ्य सूरक्षा समाग्री सहयोग गर्ने वताउनुभएको छ ।
अहिले यो अस्पतालमा अक्सिजन लिन पर्ने अवस्थाका विरामीहरु उपचाररत छन् भने अन्य सयौ विरामीहरु घर घरमै होम आईशोलेसनमा वसेर स्वास्थ्यकर्मीहरुको सल्लाह र परार्मशमा उपचार गराईरहेका छन ।
