संक्रमित व्यक्तिको घर घर पुगेर स्वास्थ्य अवस्था बुझ्दै स्वास्थ्य सामाग्री ,औषधि वितरण कार्य तिव्र
धनकुटा,जेठ १० । धनकुटाको सहिदभुमि गााउपालिकाले दोस्रो चरणको कोरोना संक्रमित संख्या बढ्न थालेपछि संक्रमित व्यक्तिको घर घर पुगेर स्वास्थ्य अवस्था बुझ्दै स्वास्थ्य सामाग्री ,औषधि वितरण कार्य तिव्र रुपमा अघि बढाएको छ ।
गाउपालिकामा अहिले सम्म संक्रमित संख्या ५५ जना पुगेकाछन् । जस मध्य एकजना निको भएको छ । गाउपालिकाको वडा नं २ र वडा नं ६ मा बढिमात्रामा संक्रमण देखिएको छ ।
गाउपालिका अध्यक्ष मनोज राई , वडा अधयक्ष तथा स्वास्थ्यकर्मि र कर्मचारीको टोलिले होमआईसोलेसनमा बसेका संक्रतिम लाई भेटेर स्वास्थ्य अवस्था बुझदै आवाश्यक स्वास्थ्य सामाग्री माक्स ,सेनिटाइजर र आयूर्वेदिक औषधिको साथै इम्यूनिटि पावर बढाउने डाबार च्यवनप्राश ,हर्लिक्स लगायतका खानेकुरा वितरण गर्दै आइरहेको अध्यक्ष राईले जानकारी दिएकाछन् । साथै उनिहरुले स्वास्थ्य परामर्श तथा सरसल्हापनि दिदै आइरहेको गााउपालिकाले जनाएको छ ।
अहिले सम्म गााउपालिकाको वडा नं २ का १९ जना र वडा नं ६ का २९ जनालाई स्वास्थ्य सामाग्रीका साथै खानेकुरा वितरण गरिसकेको गााउपालिकाले जानकारी दिएको छ । त्यस्तै गरी संक्रमितको सम्पर्कमा पुगेका व्यक्तिहरुको स्वाव संकलन कार्य जारी रहेको स्वास्थ्य कार्यलयले जनाएको छ ।
अझै स्वाव संकलन गरेका मध्य ४० जनाको पिसिआर रिर्पोट आउन बाकिरहेको गाँउपालिकाले जनाएको छ । सबै संक्रमित होमआईसालेसनमा रहेकाछन् त्यस मध्य १४ जनाको मंगलबार १४ दिन पुग्ने जनाएको छ । संक्रमितहरुको स्वास्थय अवस्था सामान्य रहेको गाउपालिकाले जनाएको छ ।
