धनकुटामा कोरोना संक्रमण दर घट्दै
धनकुटा,जेठ १७ । धनकुटामा कोरोना संक्रमण दर घट्न थालेको छ । स्वास्थ्य कार्यलय धनकुटाका अनुसार पछिल्लो समय जिल्लामै गरिदै आएको पिसिआर तथा एन्टिजेन परिक्षणको प्राप्त रिर्पोटलाई हेर्दा संक्रमण दरमा कमी आएको हो ।
यो सँगै यसअघि जिल्लामा धेरै व्यक्तिमा संक्रमण पुष्टि भईरहँदा त्रसित भएका जिल्लावासी केही राहतको महसुष गर्न थालेका छन् । जिल्लामा पछिल्लो समय कोरोना संक्रमण दर घट्दो र निको हुने दर बढ्दो हुन थालेको स्वास्थ्य कार्यलय प्रमुख तुलसी प्रसाद गुरागाईले वताउनुभयो ।
यसैवीच अहिले सम्म धनकुटाका ४ सय ३९ जना कोरोना संक्रमण मुक्त भएका छन् । जिल्ला प्रशासन कार्यलय धनकुटाका अनुसार आज दिउँसो तीन वजे सम्मको रिपोर्ट अनुसार जिल्लामा ३७ जना संक्रमित थपिदा ६५ जनाले कोरोनालाई जितेका छन् ।
यो सँगै संक्रमण मुक्त हुनेको सँख्या ४ सय ३९ पुगेको हो ।
