धनकुटा लेडि जेसिसद्वारा धनकुटा अस्पताललाई स्वास्थ्य सामाग्री उपलव्ध
धनकुटा,जेठ १९ । कोरोना संक्रमितको उपचारमा सहयोग पुर्याउने लक्षका साथ धनकुटा लेडि जेसिसले आज धनकुटा अस्पताललाई स्वास्थ्य सामाग्री उपलव्ध गराएको छ ।
धनकुटाका टेक बहादुर श्रेष्ठ र दिपकला श्रेष्ठकी छोरी हाल युकेमा रहनुभएकी अस्मिता श्रेष्ठले लेडि जेसिसलाई सहयोग स्वरुप पठाउनुभएको २० हजार रकम मार्फत स्वास्थ्य सामाग्री खरिद गरी अस्पताललाई प्रदान गरिएको हो।
जसअनुसार ५ सय थान सर्जिकल मास्क, २ सय ३० थान ग्लोव्स,१० लिटर स्यानिटाईजर र २० थान फेसशिल्ड प्रदान गरिएको धनकुटा लेडि जेसिस अध्यक्ष बिसिका श्रेष्ठले जानकारी दिनुभयो ।
ती सामाग्री अध्यक्ष श्रेष्ठले धनकुटा अस्पतालका मेडिकल सुपरिटेण्डेन्ट डा. पुजन विश्वकर्मालाई हस्तान्तरण गर्नुभएको थियो ।
