छथरमा थपिए २ हप्तामा नयाँ ५३ संक्रमित ! पुग्यो १११ संक्रमित,एउटै वडामा ६२ जना
नारायण कुमार राई/ धनकुटा २५ जेठ । छथर जोरपाटी गाउँपालिका धनकुटामा कोरोना संक्रमितको संख्या दुई हप्ताको अन्तरालमा ५३ जना थपिएर १११ पुगेको छ ।
जेठ ४ देखि २१ गते सम्म १७ दिन भित्र गरिएको १२५ जनाको स्वाब परिक्षणमा संक्रमित थपिएर उक्त संख्या पुगेको हो । बैसाख देखि जेठ ४ गते सम्म १६६ जनामा गरिएको स्वाब परिक्षणमा ५८ जना संक्रमित रहेको थियो ।
जेठ ४ पछि २१ गते सम्ममा १२५ जनामा स्वाब तथा एनटीजेन(किट) परिक्षण गरिएको थियो ।
हाल सम्म कुल २९१ जनामा गरिएको परिक्षणमा ६६ जना पुरुष र ४५ जना महिला संक्रमित रहेको स्वास्थ्य संयोजक सुन्दरमान डंगोलले जानकारी दिनुभयो ।
जसमा ५० जना होम आईसोलेसनमा रहेका छन् । ५६ जना निको भएका छन् भने बिर्तामोड,धुलिखेल र कोभिड अस्पतालमा जोरपाटीमा १/१ जनाको उपचार भईरहेको छ । २ जनाको मृ त्यु भएको छ ।
६ वटा वडा रहेको पालिकामा वडा नं. १ मा संक्रमितको संख्या शुन्य रहेको छ भने सबैभन्दा धेरै वडा नं. ६ को सिंधुवा बजारमा ६२ जना संक्रमित रहेका छन् ।
वडा नं. २ मा १९ जना,३ मा ११ जना,४ मा १२ जना र वडा नं. ५मा ७ जना संक्रमित रहेको पालिकाको स्वास्थ्य शाखाले जानकारी दिएको छ ।
