धनकुटाका किसानले अझै पाएनन् क्षतिपूर्ति
धनकुटा,२६ जेठ । यही बैशाख १ र २ गते परेको असिनापानीका कारण तरकारी र फलफूल लगायतको बालि नष्ट भउको धनकुटाको छथरजोरपाटी गाउँपालिका र महालक्ष्मी नगरपालिकाका दूई महिना बित्न लाग्दा समेत क्षेतीपूर्ति पाएका छैनन् ।
किसानले लगाएको ४८ करोड रुपैयाँको फलफूल र तरकारीबाली नष्ट भएको विवरण त्यहाँका कृषि शाखाले सार्वजनिक गरेका थिए ।
त्यस लगत्तै स्थानीय, प्रदेश र संघिय सरकारका प्रतिनिधि, जिल्लामा कृयाशिल राजनैतिक दलका नेता राहत र क्षतिपूर्ती उपलब्ध गराउने भन्दै पिडित किसानका खेतबारी पुगेर मल–बीउ र सहुलियत कर्जाका साथै फलफूल र तरकारीबालीमा भएकोको क्षेतीको क्षेतीपूर्ति उपलब्ध गराउन पहल गर्ने आश्वासन दिएका थिए तर किसानले भने दुइ महिना बित्न लाग्दा समेत राहत तथा क्षतिपूर्ती पाएका छैनन् ।
असिनाले गरेको क्षती र प्रभावित किसानको विवरण टिपेर हिँडेका सरकारी प्रतिनिधि त्यसपछि किसानको सम्पर्कमै नरहेको अगुवा कृषक मेघेन्द्र गुरुङ्गले बताउनु भयो ।
प्रभावित किसानलाई राहत र क्षेतिपूर्ती उपलब्ध गराउन स्थानीयतहले प्रदेश र संघिय सरकार लाई क्षेतीको विवरण सहित माग गरिए पनि अहिले सम्म प्रदेश र संघिय सरकारका बिभागीय मन्त्रालयले राहत र जवाफ केहि नदिएको छथरजोरपाटी गाउँपालिकाका अध्यक्ष शेरबहादुर लिम्बुले बताए ।
उनले भने क्षेतीको परिमाण धेरै ठूलो भएकोले स्थानिय सरकारले मात्र क्षेती पूर्ति दिन नसक्ने भएकोले केन्द्र र प्रदेश सरकार संग क्षेतीको सबै विवरण पठाएका छौ तर अहिले सम्म केहि राहत आएको छैन् ।
असिना पानीका कारण यी क्षेत्रमा लगाईको बन्दा कोपी, फूलकोपी, साग, आँप लिची लगायतका फलफूल ९० प्रतिशत नष्ट भएको थियो भने टनेल खेतिमा समेत ठूलो क्षेती भएको थियो ।
