धनकुटामा पहिलो दिन ४ सय ७० ले कोभिड विरुद्धको भेरोशिल खोप लगाए
धनकुटा,२७ जेष्ठ । धनकुटा जिल्लामा आज पहिलो दिन ४ सय ७० जनाले कोभिड विरुद्धको भेरोशिल खोप लगाएका छन ।
धनकुटा जिल्लाको ७ वटा पालिकाकाको सात वटा खोप केन्द्रमा पहिलो दिन ४ सय ७० जनाले कोभिड विरुद्धको भेरोशिल खोप लगाएको धनकुटा स्वास्थ्य कार्यालयका प्रमुख तुलसी प्रसाद गुरागाईले वताउनु भयो ।
पहिलो चरणको खोप लगाई सकेकाकोलाई दोस्रो चरणको खोप र ६० बर्ष देखी ६२ बर्ष सम्मका उमेर समुहकाले गरी जम्मा ४ सय ७० जनाले पहिलो दिन कोभिड विरुद्धको खोप लगाएको र भोली २८ गते पनि सात वटै खोप केन्द्रमा खोप लगाउनु अभियान संचालन गरिने धनकुटा जिल्ला स्वास्थ्य कार्यालयका प्रमुख तुलसी प्रसाद गुरगाईले वताउनु भयो ।
धनकुटा जिल्लामा स्वास्थ्यकर्मी, सफाईकर्मी,एम्बुलेन्स चालक र पहिलो चरणमा लगाएकालाई दोस्रो चरणको खोप लगाएको समेत धनकुटा स्वास्थ्य कार्यालयले जनाएको छ ।
जिल्ला स्वास्थ्य कार्यालय धनकुटामा संचालन भएको कोरोना विरुद्धको खोप लगाउने अभियानको आज धनकुटा अस्पताल विकास समितिका सदस्य तथा धनकुटा उद्योग बाणिज्य संघका अध्यक्ष विजय सन्तोषी राई लगायतका पदाधिकारीहरु र पत्रकाहरुले समेत अनुगमन गर्नु भएको थियो ।
धनकुटा जिल्लाभरी कोभिड विरुद्धको खोप लगाउने अभियानमा जिल्लाभरीनै सक्रियताका साथ धनकुटा स्वास्थ्य कार्यालयका प्रमुख तुलसी प्रसाद गुराईले नेतृत्व गरी समन्वय गर्नु भएकोले जिल्लाभरी सहजताका साथ खोप अभियान संचालन भएको हो ।
