जनता बचाउ अभियान शुरु ! कोरोना संक्रमितहरुलाई पोषिलो खानेकुरा तथा स्वास्थ्य सुरक्षा सामाग्री वितरण गर्दै
धनकुटा । धनकुटा नगरपालिका वडा नं ६ वडा समितिले आज वडाका कोरोना संक्रमितहरुलाई पोषिलो खानेकुरा तथा स्वास्थ्य सूरक्षा सामाग्री वितरण गर्दै जनता बचाउ अभियान शुरु गरेको छ ।
कोरोना संक्रमितहरुलाई कोरोना भाईरसका कारण कमजोर बनाएकाले धनकुटा नगरपालिका वडा नं. ६ वडा समितिले आज आफ्ना वडाका कोरोना संक्रमितहरुलाई पोषिलो खानेकुरा तथा स्वास्थ्य सूरक्षा सामाग्री वितरण गरेको वडाध्यक्ष नेरेश श्रेष्ठले वताउनु भयो ।
धनकुटा नगरपालिका वडा नं. ६ का वडाध्यक्ष श्रेष्ठ सहित वडा सदस्यहरु मिलन खड्गी,बेनु वस्नेत,हिरा देवी राई,, मुना रम्तेल ,वडा कार्यालयका सचिव छत्रजंग कार्की लगायतले सो वडाका कोरोना संक्रमितहरुको घर घरमा गई पोषिलो खानेकुरा तथा स्वास्थ्य सामाग्रीहरु प्रदान गरेका थिए ।
त्यस वडाका संक्रमितहरुलाई डावर च्यवनप्रास,अण्डा,भिटामिन लगायतका पोषिलो खानेकुरा, मास्क तथा सेनिटाईजर प्रदान गरिएको वडा सदस्य हिरादेवी राईले वताउनुभयो ।
यो वडा का ८४ जना कोरोना संक्रमितहरु मध्ये आज ६० जनालाई पोषिलो खानेकुरा तथा स्वास्थ्य र सुरक्षित सामाग्रीहरु वितरण गरिएको र भोली बाकीलाई वितरण गरिने वडा सदस्य मिलन नेवा खड्गीले वताउनु भयो ।
धनकुटा नगरपालिका वडा नं. ६ मा वडाध्यक्ष सहित पाचै जना जनप्रतिनिधिहरु नेपाली कांग्रेसको तर्फबाट निर्वाचित हुनु भएको नेपाली कांग्रेस धनकुटाका सचिव विजय सन्तोषी राईले वताउनु हुदै कांग्रेसको तर्फबाट विजयी हुनु भएको अन्य जनप्रतिनिधिहरुलाई पनि कोरोनाको महामारीका कारण विपत तथा दु:खमा परेका जनतालाई सहयोग र साथ दिन नेपाली कांग्रेस धनकुटाको तर्फबाट आग्रह गरिएको वताउनु भयो ।
कांग्रेसको तर्फबाट बिजयी जनप्रतिनिधिहरुले धनकुटा नगरपालिका वडा नं. ६ बाट शुरु गर्नु भएको जनता बचाउ अभियान अव नेपाली कांग्रेसको तर्फबाट धनकुटा जिल्लामा विजयी हुनु भएका सवै जनप्रतिनिधिहरुले कोरोनाका महामारीमा आफ्ना सवै जनताको साथमा रही उहाहरुलाई स्वस्थ्य बनाउन र स्वास्थ्य रहन सवै किसिमको सहयोग गर्ने धनकुटा कांग्रेस सचिव विजय सन्तोषी राईले वताउनु भयो ।
