धनकुटामा कोरोना संक्रमण मुक्त हुनेको संख्या ९ सय ६३ पुग्यो
जेष्ठ ३१,धनकुटा । धनकुटामा कोरोना संक्रमण मुक्त हुनेको संख्या ९ सय ६३ पुगेको छ ।
अहिले सम्म जिल्लाका ४१८ महिला र ५ सय ४५ पुरुष संक्रमण मुक्त भएको जिल्ला कोभिड १९ संकट व्यवस्थापन केन्द्रले जनाएको छ ।
यसअघि हिजो सम्म संक्रमण मूक्त हुनेको संख्या ९३५ रहेकोमा आज २८ जना संक्रमण मुक्त भएपछि डिस्चार्ज हुनेको संख्या ९६३ पुगेको हो ।
अहिले १९० महिला र १९९ पुरुष सहित जम्म ३ सय ८९ जना सक्रिय संक्रमित रहेका छन् । ती मध्ये ३६६ जना होम आईशोलेसन,२३ जना संस्थागत आईशोलेसनमा उपचाररत छन् ।
