धनकुटामा एमाले जिल्ला अध्यक्ष राईको पहलमा १८ पुल निर्माणका लागि २ अर्ब २२ करोड बढी रकम विनियोजन
धनकुटा,असार २ । आगामी आर्थिक वर्ष २०७८/७९ मा धनकुटाका ग्रामिण भेगका विभिन्न स्थानमा मोटरेवल तथा झोलुंगे १८ वटा पुल निर्माण गर्ने लक्ष्य राखिएको छ ।
जिल्लाका ग्रामीण भेगका जनतालाई नदी तथा खोला बगरमा आवतजावत गर्न र तर्न सहजताका लागि यातायातको पहुँच विस्तार गर्न ती पूलहरु निर्माण गर्न लागिएको जनाईएको छ ।
जसका लागि विघटित प्रतिनिधि सभासदस्य तथा नेकपा एमाले धनकुटाका अध्यक्ष राजेन्द्र कुमार राईको पहलमा १३ वटा झोलुङ्गे पुल निर्माणका लागि ७ करोड ४५ लाख र ५ वटा मोटरेबल पक्की पुल निर्माणका लागि संघिय सरकार मार्फत २ अर्व १५ करोड वजेट विनियोजन भएको सांषद राईका स्वकीय सचिव महेन्द्र गिरिले जानकारी दिनुभएको छ ।
