धनकुटाको छथरजोरपाटी गाउँपालिका वडा न ४ को कार्यलयमा तालाबन्दी
धनकुटा,६ असार । धनकुटाको छथरजोरपाटी गाउँपालिका वडा न ४ को कार्यलयमा तालाबन्दी गरिएको छ । वडाअध्यक्षकै मिलेमतोमा आफ्नो वडाका लागि स्वीकृत योजना र बजेट अन्यत्रै सारेको आरोप लगाउँदै वडा कार्यालयमा तालाबन्दी गरिएको छ ।
नेपाल कांग्रेस आबद्ध कार्यकर्ताले आज वडा कार्यालयमा तालाबन्दी गरिएको नेपाली कांग्रेस छथरजोपाटी गाउँपालिका वडा न ४ का सभापति मेघराज खतिवडाले बताए ।
उपभोक्ता समितिमा आफ्ना मान्छे राख्न नपाउँदा वडा नम्वर ४ का अध्यक्ष टेकबहादुर घिसिङले आफ्नो गाउँमा सडक खन्न छुट्टिएको २० लाख रुपैयाँ ३ नम्वर लैजान सहमति दिएको आरोप उनिहरुको छ ।उनिहरुले हिजो विज्ञप्ती जारी गर्दै वडाका लागि छुटिएको विकासको रकम वडामा नै खर्च गर्ने गरि कार्यक्रम सच्याउन २४ घण्टे अल्टिमेटम समेत दिएका थिए ।
वडाअध्यक्ष टेकबहादुर घिसिङले भने काँग्रेस कार्यकर्ताहरु आफ्नो वडाका लागि छुट्टिएको बजेट र योजना असफल बनाउन लागेपछि संघिय सांसदलेनै योजना अन्यत्र सारेको जनाए ।
चालु आर्थिक बर्षमा स्थानीय पूर्वाधार विकास साझेदारी कार्यक्रम मार्फत धनकुटाको तेलिया, कर्कले र भन्ञ्याङ हुदै तमोरको त्रीवेणी जोड्ने ग्रामिण सडकका लागि २० लाख रुपैयाँ बजेट बिनियोजन भएको थियो ।
