भुमि सम्बन्धि समस्या समाधान आयोग जिल्ला समिति धनकुटाको आयोजनामा कार्यपालिका तथा सर्वदलीय बैठक विभिन्न निर्णय गर्दै सम्पन्न
धनकुटा । सहिदभुमि गाउपालिका धनकुटामा भुमि सम्बन्धि समस्या समाधान आयौग जिल्ला समिति धनकुटाको आयोजनामा कार्यपालिका तथा सर्वदलीय बैठक विभिन्न निर्णय गर्दै सम्पन्न भएको छ ।
आयोगका अध्यक्ष नैना विस्वकर्माको अध्क्षतामा तथा गाउँ पालिका अध्यक्ष मनोज राईको प्रमुख आतिथ्यमा सम्पन्न भएको थियो ।
बैठकमा गाउँ पालिका स्तरीय भुमिसम्बन्धि सहजिकरण समिति गठन गरिएको छ । सहजिकरण समितिमा संयोजक गाउपालिका अध्यक्ष र सहसंयाोजक उपाध्यक्ष रहेकाछन् भने , सदस्यहरुमा नेकपा एमाले पाटीको तर्फबाट नीर बहादुर राई ,नेपाली काङ्ग्रेसको तर्फबाट ताेर्ण बहादुर खड्का ,जनता समाजवादी बाट नगेन्द्र राई , कार्यपालिका सदस्यमध्यबाट रेखा राई र दलित सदस्य बाट अप्सरा राई र भुमिसम्बधि काम गरेका अनुव प्राप्त सदस्य सुस्मा किराँती रहेकाछन् ।
त्यस्तै गरि वडा स्तरीय सहजिकरण एक हप्ता भित्र सबै वडाहरूमा वडाअध्यक्षको संयेजकत्वमा गठन गरिसक्ने निर्णय भएको छ ।
त्यस्तै भुमि सम्बन्धि कर्मचारी ईकाई स्थापना गर्ने र भुमि वितरण का लागि चाहिने नापी सम्बन्धि उपकरण खरिद गर्ने निर्णय भएको गाउँपालिकाले जनाएको छ ।
बैठकमा गाउँपालिका उपाध्यक्ष रत्नश्वरी राई , गाउँपालिका प्रशासकीय अधिकृत राजकुमार शाक्य , जिल्ला समन्वय अधिकारी तथा आयोगका सदस्य सचिव खगेन्द्र सुवेदी ,वडाअध्यक्षहरू हेमकुमार राई, बम बहादुर राई , रत्न बहादुर राई , मल्सुराम राई, याेगेन्द्र राई लगायत कर्मचारीहरूको सहभागीता रहेको थियो ।
