प्रकृयाभन्दा बाहिर गएर कसैप्रति विभेद र अन्याय हुँदैन ः प्रमुख नेपाल
धनकुटा,९ असार । धनकुटाको महालक्ष्मी नगरपालिका ३ जना वडा अध्यक्षहरुले नगरसभा बहिस्कार गर्दै विज्ञप्ती जारी गरे संगै नगरप्रमुख पर्शूराम नेपालले यस्तो प्रतिक्रया दिनु भएको छ ।
नितीतथा कार्यक्रम र आगामी बजेटका बिषयमा विपक्षि साथीहरुबाट आएका टिप्पणी र असहमति उहाँहरुको पार्टीकै निर्णय र निर्धारित कार्यक्रम हुनु पर्छ ।
नगरपालिका भीत्रका सबै वडा र त्यहाँका नागरिक प्रति हाम्रो दायीत्व र जवाफदेहिता समान छ । त्यसो भएकाले नीति तथा कार्यक्रम र आगामी बजेटले नगरबासीका अपेक्षा लाई समानरुपमा सम्बोधन गर्नेछ । नीति तथा कार्यक्रम र बजेटमा संसोधन पुनरावलोकन आवश्यक भए ति बिषयलाई छलफलमा राख्न म तत्पर, तयार र खुला छु ।
उहाँहरुले भनेझै महालक्ष्मी नगरपालिकामा मेरो कार्यकाल भरि प्रकृयाभन्दा बाहिर गएर कसैप्रति विभेद र अन्याय हुने अबस्था आउन दिन्न ।
