धनकुटाको सहिदभूमि गाउँपालिकामा क्रियाशील ४ दलद्वारा स्थानीय सरकारको विरोध गर्दै ज्ञापनपत्र बझाए,माग सुनुवाई नभए कडा आन्दोलन गर्ने
धनकुटा । वडा तहमा जाने बजेटमा व्यापक कटौती गरिएकोप्रति सहिदभूमि गाउँपालिका धनकुटाका ४ दलद्वारा संयुक्त प्रेस वक्तव्य मार्फत स्थानीय सरकारको विरोध गर्दै आज ज्ञापनपत्र समेत बुझाएका छन् ।
साथै गाउँपालिकाले राजनीतिक पूर्वाग्रही राखी गरेको सर्वसत्तावादी व्यवहार नसच्याए कडा आन्दोलन गर्ने समेत ४ दलले जनाएको छ ।
गाउँपालिकाले संघीयताको मर्म र भावना विपरीत आर्थिक वर्ष २०७८/०७९ को लागि तयार पारिएको बजेट सिलिङ आधाभन्दा धेरै कटौती गरिएको,योजनाहरु छनौट गर्दा विधि प्रक्रिया पूरा नगरी अपारदर्शी र राजनीतिक पूर्वाग्रह राखी योजनाहरु छनौट गरिएको भन्दै ४ दलद्वारा संयुक्त प्रेस वक्तव्य जारी गरि विरोध गरेका हुन् ।
सहिदभूमिमा क्रियाशील राजनीतिक दलहरु नेपाली कांग्रेसका तर्फबाट लक्ष्मण राई,एनेकपा माओवादी केन्द्रका अध्यक्ष पवन राई,नेकपा एमाले(नेपाल/खनाल) पक्षका डिक राई,जनता समाजवादी पार्टीका इन्चार्ज नगेन्द्र राई गरेर ४ दलले वडा तहको बजेट कटौती तथा पालिकाको सर्वसत्तावादी कार्यको संयुक्त विरोध गरिएको जारी प्रेस वक्तव्यमा जनाइएको छ ।
गाउँपालिकाले आफु खुसि एकलौटी रुपमा बजेटलाई चुनाबमुखी,वितरणमुखी,कार्याकर्तामुखी र भष्ट्रचारलाई जगेर्ना गर्ने खालको भएको ४ दलद्वारा गाउँपालिकालाई संयुक्त प्रेस वक्तव्यमा आरोप लगाएका छन् ।चार दलद्वारा प्रत्येक वडामा सर्वदलीय समिति गठन गरेर अघि बढ्ने समेत बताएका छन् ।
