पाख्रीवास नगरपालिकाको ८ औं नगरसभामा भएको घटनाको विषयमा नपा र प्रशासन वीच छलफल
धनकुटा,असार ११ । पाख्रीवास नगरपालिकाको ८ औं नगरसभामा भएको घटनाको विषयमा आज नगरपालिका र प्रशासन वीच छलफल भएको छ ।
छलफलको क्रममा नगर प्रमुख वृष वहादुर राईले नगरसभा चलिरहदा अराजक समूहले सभा विथोल्ने ,ढुंगा मुढा,जनप्रतिनीधि तथा कर्मचारी माथि कुटपीट गरेको वताउनुभयो ।
यो विषयलाई लिएर प्रशासनमा सूरक्षा मागका लागि फोन गर्दा प्रशासन प्रमुखले अप शव्द प्रयोग गरेको,समयमा सूरक्षा व्यवस्था नगरेको भन्दै प्रशासन र अराजक समूहकै मिलेमतोमा घटना घटाईएको आरोप लगाउनुभयो ।
प्रशासनको यो गतिविधिले जिल्लाकै सूरक्ष व्यवस्थामा प्रश्न चिन्ह उठेको उहाँले वताउनुभयो । उपप्रमुख देवकला पौडेल तिम्सिनाले घटनामा संलग्नलाई कानुनी दायरामा ल्याउने वारे प्रशासन मौन रहेको भन्दै कानुनी प्रक्रियामा जाने वताउनुभयो ।
यता प्रमुख जिल्ला अधिकारी वासुदेव दाहालले भने फोनमा कुरा गर्दा ४ नं वडा कार्यलय खोल्ने भन्ने कुरा वुझेको तर नगर सभामा भएको घटनाको वारेमा स्पष्ट नभएकोले सूरक्षा व्यवस्थापनमा ढिलाई भएको वताउनुभयो ।
