उद्योग बाणिज्य संघको समन्वयमा धनकुटा आईशोलेसनमा सहयोग
धनकुटा,१४ असार । धनकुटा उद्योग बाणिज्य संघको समन्वयमा धनकुटा कोभिड अस्पताल तथा आईशोलेसन सेन्टर धनकुटाका विरामीहरुका लागि पोषिलो खाद्यान्न समाग्रीहरु सहयोग गरिएको छ ।
आईशोलेसन सेन्टर तथा धनकुटा कोभिड अस्पतालका विरामीहरुका लागि धनकुटा उद्योग बाणिज्य संघका समन्वयमा धनकुटा उद्योग बाणिज्य संघका कार्यकारी सदस्य तथा यूवा समाजसेवी उज्वल कर्मार्चायले ती समाग्रीहरु प्रदान गरेका थिए ।
धनकुटा उद्योग बाणिज्य संघका अध्यक्ष विजय सन्तोषी राई,कोषाध्यक्ष रुपेश श्रेष्ठ,कार्यकारी सदस्य उज्वल कर्माचार्य,कार्यालय सचिव सचिन प्रधानले चना,मोटर लगायत गेडा गुडी,चामल लगायत विभिन्न खाद्यान्न समाग्रीहरु धनकुटा आईशोलेसन सेन्टर तथा कोभिड अस्पतालका विरामीहरुका लागि क्यानटिन संचालिका संगिता गुरुङ्गलाई प्रदान गरेका फछन् ।
धनकुटा उद्योग बाणिज्य संघको समन्वय तथा सहयोगमा क्यानटिन संचालन गरी धनकुटा आइशोलेसन सेन्टरका विरामीहरुलाई धनकुटा अस्पताल दैनिक खाजा तथा खाना खुवाउदै आईरहेको छ ।
