धनकुटाको विकास र समृद्धीका लागि बर्तमान सरकार कटिवद्ध छ : कानुनमन्त्री कार्की
धनकुटा , कानुन न्याय तथा संसदिय मामिला मन्त्री तथा नेपाली कांग्रेसका केन्द्रिय सदस्य ज्ञानेन्द्र बहादुर कार्कीले धनकुटाको विकास र समृद्धीका लागि बर्तमान सरकार कटिवद्ध रहेको वताउनु भएकाो छ ।
नेपाली कांग्रेस धनकुटाको प्रतिनीधि मण्डल सँग काठमाण्डौमा भेटघाट गर्दै उहाँले त्यस्तो बताउनु भएको हो । मन्त्री कार्की संग नेपाली कांग्रेस धनकुटाका सभापती अग्नी प्रसाद पौडेल,महासमिति सदस्य आनन्द सन्तोषी राई,जिल्ला सचिव विजय सन्तोषी राई,जिल्ला सदस्य निलम थामा,धनकुटा — काठमाण्डौ सम्पर्क समितिका सभापती भीम थापा,नेपाल विद्यार्थी संघका धनकुटा — काठमाण्डौ सम्पर्क समितिका अध्यक्ष सविन पोखरेल लगायतका नेताहरुले मन्त्रालयमा भेटघाट तथा छलफल गरी धनकुटाको विकास र समृद्धीका लागि विशेष योजना सहितको बजेटको व्यवस्था गर्न अनुरोध गरेका छन् ।
यसैगरी प्रतिनीधि मण्डलले आजै पार्टीका प्रभावशाली केन्द्रिय सदस्य तथा पूर्व मन्त्री अर्जुन नरसिंह केसी संग पनि भेटघाट गरी पार्टी संगठन र धनकुटाको विकासको वारेमा छलफल गरेको छ । भने कांग्रेसका चर्चित यूवा नेता तथा पूर्व मन्त्री केन्द्रिय सदस्य गगन कुमार थापासँग पनि भेट गरी पार्टीको आगामी महाधिवेशन,धनकुटाको विकास र समृद्धीका लागि छलफल गरेको छ ।
सो अवसरमा प्रतिनीधि मण्डललाई मन्त्री तथा कांग्रेस नेता कार्की, केसी,यूवा नेता तथा पूर्व मन्त्री थापाले धनकुटाको विकास र समृद्धीका लागि सहयोग गर्ने आश्वसान दिएका छन् । उनिहरुले कांग्रेसको आगामी महाधिवेशन सफल बनाउन सवै लाग्नु पर्नेमा समेत जोड दिएका छन् ।
