नेपाल रेडक्रस सोसाइटी धनकुटाद्वारा सिधुवा बजारमा माक्स वितरण
भाद्र १०,धनकुटा नेपाल रेडक्रस सोसाइटी धनकुटाले सिधुवा बजारमा माक्स वितरण गरेको छ ।
विश्वभर फैलिएको कोरोना भाईरसबाट बच्न तथा संक्रमण न्यूनीकरण गर्न छथरजोरपाटी गाउँपालिकाको उपाध्यक्ष भिम कला श्रेष्ठको प्रमुख आतिथ्यमा सिधुवा बजारमा रेडक्रस धनकुटाले तपाईंको माक्स खै अभियान अन्तरगत बजारका स्थानीय तथा बजार भर्न आएकालाई माक्स र सचेतना मुलक पर्चा वितरण गरेको छ ।
माक्स तथा सचेतना मुलक पर्चा वितरण कार्यक्रममा छथरजोरपाटी गाउँपालपका वडा नं ६ वडा अध्यक्ष दिल बहादुर थापा ,सिदुवा बजार व्यवस्थापन समिति अध्यक्ष शिव श्रेष्ठ ,रेडक्रस धनकुटाका सदस्य धिरेन थिङ , मन्त्री छत्रकुमार श्रेष्ठ ,कोभिड फोकल पर्शन नगेन्द्र भण्डारी ,सिदुवा प्रहरी चौकिका ईन्चार्ज सहित प्रहरीहरु र रेडक्रस धनकुटाका कर्मचारीहरू विष्णु कृष्ण जोशी लगायतको सहभागिता थियो ।
सो अभियान अन्र्तगत जिल्लाको विभिन्न स्थानका बजार तथा भिडभाड हुने ठाउँमा सचेतना कार्यक्रम सञ्चालन गर्दै १ हजार थान माक्स तथा पर्चा वितरण गरेको रेडक्रस धनकुटाले जनाएको छ ।
