सुरक्षा सतर्कतालाई ध्यान दिनु पर्ने कुरा सहितको बैंकद्वारा पर्चा सहयोग
धनकुटा,१० असोज । दशै तिहार जस्ता चाडपर्वमा अपनाउनु पर्ने सुरक्षा सतर्कतालाई ध्यान दिनु पर्ने कुरा सहितको सन्देशमुलक पर्चा पम्पलेट ३५ हजार थान, सप्तकोशी डेभलपमेन्ट बैंक कर्पोरेट कार्यालय बिराटनगरले जिल्ला प्रहरी कार्यालय धनकुटालाई प्रदान गरेको छ ।
उक्त पर्चा पम्पलेट आज बैंकका धनकुटा शाखा प्रमुख मोहन ढुंगेलले जिल्ला प्रहरी कार्यालय धनकुटालाई हस्तान्तरण गर्नु भएको जिल्ला प्रहरी कार्यालय धनकुटाले जनाएको छ ।
यो पनि…
जाजरकोट, १० असोज । ठुलीभेरी नगरपालिका–९ डोल्पाका १७० घरधुरीलाई निःशुल्क सोलार वितरण गरिएको छ । कर्णाली उज्यालो कार्यक्रमअन्तर्गत वडाका सम्पूर्ण घरधुरीलाई सोलार वितरण गरिएको हो । शनिबार मोतीपुर, डाँगीबाडालगायतका बस्तीका नागरिकलाई भेला गरेर सोलार वितरण गरिएको हो ।
नगरपालिकाको रु २० लाख र कर्णाली प्रदेश मुख्यमन्त्री तथा मन्त्रिपरिषद् कार्यालयको रु ५० लाख गरेर कूल रु ७० लाख अनुदान सहयोगमा सम्पूर्ण वडावासी लाभान्वित हुने गरी सोलार वितरण गरिएको वडाध्यक्ष बिर्मलकुमार भण्डारीले जानकारी दिनुभयो । जनताको मागअनुसार प्रत्येक घरधुरीलाई २०० वाटको प्यानल र १५० एम्पियरको ब्याट्री निःशुल्क वितरण गरिएको भण्डारीको भनाइ छ ।
“वर्तमान अवस्थामा सेवा दिइरहेको दुनैस्थित जैरीगार्ड जलविद्युत्को घण्टौँ लोडसेडिङका कारण जनताले हैरानी खेपेका थिए, उक्त समस्यालाई मध्यनजर राख्दै सोलार खरिद गरिएको हो, अब नागरिक अन्धकारबाट मुक्त भएका छन्”, उहाँले भन्नुभयो ।
प्रत्येक घरधुरीलाई खरिद र ढुवानीसहित रु ३९ हजार ५०० मूल्य बराबरको सोलार वितरण गरिएको भण्डारीले बताउनुभयो । भरपर्दो बत्तीको सुविधा नहुँदा प्रायः अन्धकारमा बस्दै आएका आफूहरुले सोलार पाउँदा खुसी लागेको स्थानीयवासी सुनकुकारी कठायतले बताउनुभयो ।
