धनकुटामा बृक्ष रोपण
धनकुटा । दिगो विकासका लक्ष्ह्य हासिलका लागि हाल विश्व भर विभिन्न कार्यक्रमहरु सञ्चालन भईरहेको सन्दर्भमा आज धनकुटामा वृक्ष रोपण गरिएको छ ।
गैरसरकारी संस्था महासंघ र देउराली युवा क्लवको आयोजनामा धनकुटाको चुलिवन क्षेत्रमा ५ सय वोट वृक्ष रोपण गरिएको हो ।
गैरसरकारी संस्था महासंघ धनकुटाका अध्यक्ष मिन प्रसाद सुवेदीका अनुसार धनकुटा नगरपालिका ७ का वडाध्यक्ष जंग वहादुर राई को प्रमुख आतिथ्यमा भएको औपचारिक कार्यक्रम पछि चुली वन क्षेत्रमा धुपी,कल्की,एवोकाडो लगायतको विरुवा रोपीएको हो ।
देउराली युवा क्लवका अध्यक्ष सुदिप राईको अध्यक्षतामा भएको कार्यक्रमको सञ्चालन गैरसरकारी संस्था महासंघका सचिव सरोज भुजेलले गर्नुभएको थियो ।
कार्यक्रममा धनकुटा नगरपालिका वातावरण शाखाका प्रमुख उपेन्द्र खनाल लगायतले वृक्ष रोपणको वारेमा स्पष्ट पारेका थिए ।
