धनकुटाको निशान भगवतीको मन्दिरमा यसरी भित्राइयो फुलपाती
धनकुटा,२६ असोज । नेपाली सेनाको धनकुटाको सल्लेरीमा रहेको बरख गणले समेत धनकुटाको तल्लो टुडिखेलमा फुलपाती पुजा गरेको छ ।
बाल मन्दिरबाट फुलपाती ल्याएर टुडिखेलमा व्याडबाजा, पञ्चेबाजा, सांस्कृतिक नाच सहित हर्क बढाई सहित टुडिखेलमा पुजा गरी धनकुटा नगरपालिका ६ मा रहेको निशान भगवतीमा ल्याई फूलपाती भित्राइएको छ ।
निशान भगवतीको मन्दिरमा नेपालीका पुजारीहरुले नियमित पुजा गर्ने गर्दछन् । बडादशैं , चैते दशैंमा भने यहाँ सेनाले बिषेश पुजा गर्ने गर्दछ ।प्रत्येक वर्ष दुर्गा पक्ष अन्तर्गत आश्विन शुक्ल सप्तमीका दिनमा मनाइने फूलपाती पर्व आज घर घरमा शास्त्रीय विधि अनुसार शुभ साइतको प्रतीक फूलपाती भित्र्याएर मनाइँदैछ ।
घटस्थापनाका दिनदेखि वैदिक विधिपूर्वक दुर्गालाई आवाहन गरी पूजाआजा गरिएको दसैँघर अथवा पूजाकोठामा शुभ साइतको प्रतीकका रुपमा उखु, हलेदो, केराको बोट, धानको बाला, बेलपत्र, दारिम, जयन्ती, अशोकको फूल र अन्य नयाँ पालुवा समेत भित्र्याउने चलन छ ।
नवपत्रिकाको नामले समेत चिनिने फूलपाती नौ देवीको प्रतीकका रुपमा भित्र्याई शास्त्रीय विधि अनुसार शक्तिको आराधनाका साथ पूजा गर्ने वैदिक विधि रहेको छ ।
