दशैं सकिएसंगै धनकुटा सदरमुकाममा समेत चहल पहल बढ्यो
धनकुटा,५ कार्तिक । नेपालीहरुको महान पर्व बिजया दशमी बडा दशैं सकिए संगै दशैंमा घर गएकाहरु फर्कन थाले संगै धनकुटा सदरमुकाममा समेत चहलपहल बढ्दै गएको छ ।
फुलपाती देखि घटेको चहल पहल दशैं सकिए संगै विस्तारै बढ्न थालेको हो । अध्यायन, रोजगारी लगायतका कारण सदमुकाम बसेकाहरु जन्म स्थान गाउँ गए संगै सुनसान बनेको सदसमुकाम कर्मथलो फर्कने बढे संगै चहल पहल बढेको हो । अन्य बर्षहरुमा टिकाको भोली पल्टबाटै चहल पहल सुरु हुने भए पनि यो बर्ष भएको अविरल बर्षाका कारण ग्रामीण सडक अबरुद्ध भए थोरै संख्यामा मात्र मानिसहरु कर्म थलो आएका छन् ।
बर्षा रोकीएको र ग्रामिण सडक मर्मत सुरु भएकाले केहि दिनमै धरै मानिस सदरमुकाम आउने अनुमान गरिएको छ । गाउँघर गएका अधिकांश विद्यार्थीहरु भने तिहार पछि मात्र सदरमुकाम आउने गर्दछन् ।
यो पनि पढ्नुहोस्…
सरकारले गति समात्न सकेन : गगन थापा
काठमाडौं, ५ कात्तिक/नेपाली कांग्रेसका केन्द्रीय सदस्य गगनकुमार थापाले सरकारले गति समात्न नसकेको बताएका छन् । सय दिनमा सरकारले आशलाग्दो सुरुवात गर्न नसकेको उनको भनाइ थियो ।
नेपाल विद्युत प्राधिकरणको कर्मचारी संघको कार्यक्रमलाई सम्बोधन गर्दै नेता थापाले भने, ‘सरकारले जुन गति समाउनुपर्ने हो त्यो गति हामीले पक्रिनसकेका छैनौं । नेपाली नागरिकलाई डर लागेको छ । जसरी हामीले पहिलोपटक २००७ सालपछि खेर फाल्यौं । फेरि १९९० पछि खेर फाल्यौं । अहिले फेरि एउटा मौका खेर फाल्दैछौं कि भनेर डर लागिरहेको छ ।’
नेता थापाले हाम्रो अगाडि केही मौकाहरु बाँकी रहेको र यस्तो बेला सम्हालिनुपर्ने आवश्यकता औल्याए । ‘एसियाभित्र भारत र चीनलाई केन्द्र बनाएर विश्वको राजनीति, विश्व अर्थतन्त्र चलिरहेको छ । त्यसको नजिक हामीहरु छौं र यो अवसर १५/२० वर्ष अझै रहनेछ । नेपाल लाभ लिनसक्यो भने सक्यो । नत्र हामी चुक्छौं । नेपालले प्रगति गर्न सक्दैन,’ उनले भने ।
