जलरंग चित्र प्रर्दशनी
धनकुटा,२८ कार्तिक । हाम्रो बहुमुखी पाठशाला धनकुटाले “रंगमा मेरो धनकुटा, घुम्न आऊ धनकुटा” भन्ने मुल नाराका साथ स्थलगत चित्रकला कार्यशालामा चित्रकारहरुले सिर्जना गरेका चित्रहरु प्रदर्शनीमा राखिएको छ ।
चित्रहरु धनकुटाको मदन चोकमा प्रदर्शनिमा राखिएको हो । जलरंग सिर्जना मार्फत धनकुटालाई चिनाउन हाम्रो बहुमुखी पाठशालाले चित्रकला कार्यशालाको आयोजना गरेको थियो । चित्रकारहरुले धनकुटाको प्रकृति, संस्कृति र सामाजिक जनजीवन झल्कने चित्र आफ्ना क्यानभासमा उतारेका थिए ।
दुई दिने कार्यशालामा जलरंग बिधाका २६ जना सर्जकले चित्र बनाएका र ति चित्रहरु प्रदर्शनिमा राखिएको हाम्रो बहुमुखी पाठशालाका चित्रकला विभाग संयोजक डिल्लीकृष्ण आलेल जानकारी दिनु भयो ।
यो पनि पढ्नुहोस् ..सहिद दिवस र पापानीको अवसरमा सार्वजनिक बिदा
धनकुटा, २८ कात्तिक ।धनकुटाको सहिदभूमि गाउँपालिकाले सहिद दिवस र पापानीको अवसरमा सार्वजनिक बिदा दिएको छ। सहिद दिवसको अवसरमा भोलि सोमबार र पापानीको अवसरमा १२ मंसिरमा बिदा दिने निर्णय गरेको गाउँपालिकाले जनाएको छ।
गाउँ कार्यपालिकाले शुक्रबार गरेको निर्णयअनुसार छिन्ताङ ह त्या का ण्डमा सहादत प्राप्त गरेका सहिदहरूको सम्मान र सम्झनामा मनाइने ४३औँ सहिद दिवसको अवसरमा र किराँत जातिको मुख्य पर्व पापानीको अवसरमा १२ मंसिरमा सार्वजनिक बिदा दिएको हो। गाउँपालिकाका प्रमुख प्रशासकिय अधिकृत राजकुमार शाक्यले आइतबार सूचना जारी गर्दै सहिद दिवस र पापानीमा सार्वजनिक बिदा दिएको जनाएको छन्।
गाउँपालिकाले हरेक वर्ष सहिद दिवस र पापानीमा सार्वजनिक बिदा दिँदै आएको छ। कात्तिक २०३६ मा छिन्ताङमा तत्कालिन सरकारले कम्युनिष्ट कार्यकर्ता रहेको भन्दै मच्चाएको ह त्या का ण्डमा १६ जनाको ह त्या भएको थियो । सरकारले १६ जनाकाे हत्या भएकाे ३८ वर्षपछि २८ पुस २०७४ मा राष्ट्रिय सहिद घोषणा गरेको थियो । छिन्ताङमा हरेक वर्ष २९ कात्तिकमा सहिद दिवस मनाउँदै आइएको छ।
